1 A̱tsumona ni iɗa yu u'yewu a ta yuwan ma̱za̱nga̱, a̱tsumona a ta yuwan ma̱za̱nga̱ a̱vu u ɓoso tsa̱ yipa̱lu. 2 U to ɓoso uba̱ta̱ suru, u ta yuwan mere na̱ ma̱za̱nga̱ lon a̱vu u yuwan yisali adama a̱ ma̱za̱nga̱. A ta ca yi tsugbain tsa Lebanon, tsu ulobonu wa Kame na̱ Sharon. E te ene tsugbain tsa̱ A̱sulazuva, ulobonu wa̱ A̱sula̱ a̱ tsu. 3 I gbamato ekere a na a̱ ɗa̱mba̱i, i gbamato a̱lu a na a̱ kuna̱i. 4 I damma aza a na a̱ ri no okolo o wovon, <<Kaɓai asuvu, she yu uwwa wovon wan, a̱yi ɗa nda, A̱sula̱ a̱ ɗu a̱ ta̱ ta̱wa̱. U ta̱ ta̱wa̱ u yuwan atsupu, atsupu a̱ A̱sula̱, u ta̱ ta̱wa̱ u wawa ɗu.>> 5 Ɗaɗa esu a̱ nrumba̱ a̱a̱ kpa̱tu'wa̱, atsuvu a agulani waru a̱ ta̱ kpa̱tu'wa̱. 6 Reve akutsuma̱ e reme tsu'yan tsu la'a, a̱vu elentsu a za vu iberenu u yuwan ishipa i ma̱za̱nga̱. Mini mo to ɓoso o uta̱ a̱tsumona, ɗolu o ogozo. 7 Wuyun u na u ri a̱ ma̱kula̱ u to o'wo mala, iɗa yu u'yewu yo o'wo lyusu mini. Uba̱ta̱ u na musa̱n mu una n shi na̱ nden anlya na apumpu a̱ to uta̱. 8 Waru ure u gbain u ta̱ da̱na̱ lo, za na ee ɗe Ure wa Akiza. Babu za vi idaba na aa wala o ure u ndolo, agba u to o'wo za va aza a na a wala o Ure'e, hali no olo fo aa wala o ure'e shi. 9 Ko kamu a̱a̱ da̱na̱ pe shi, ko inama yu una ivama vaa wala pe shi, a̱a̱ tsura̱ le pe shi. Agba she aza a na a tsupayi goon ɗa aa wala pe. 10 Waru aza a na A̱sulazuva a tsulai a̱ ta̱ ka̱mba̱. A ta uwa Sihiyona ni ishipa, ma̱za̱nga̱ ma babu ukotu mo to o'wo okokolo a aci e le. O to o'wo na̱ ma̱za̱nga̱ nu uyo'o wa asuvu, a̱vu a̱tsuma̱lima̱ na̱ a̱tsumola̱ngu a̱ puwa̱n.