1 A̱tsuma̱ a aa'wan a nan yali ya̱ a̱soja za na Sagon mogono ma Asuriya ma̱ lyunguyi ta̱wa̱i Ashido, a̱vu u riya̱a̱ yi nu uvon, a̱vu u reme yi. 2 A mantsa mo ndolo ma ɗa A̱sulazuva a yuwain adanshi na̱ Ishaya mawun ma Amoz. U damma yi ta̱, <<Vu foɗo akashamuna a̱ lipu va̱ wu oɓolo na atan a ana a̱ wu.>> Reve u yuwan ne, reve u walasa ataɓu waru babu atan a ana.

3 Reve A̱sulazuva a damma, <<Cine Ishaya aagbashi a̱ va̱ a walai ataɓu waru babu atan a ana a̱ yi hali a'wan a ta'atsu, iroci i ɗa no oroci o morono ma atsuvu a na ma̱a̱ ta̱wa̱a̱ a aci a Masar oɓolo na̱ Kush. 4 Mogono ma Asuriya ma̱ ta̱ pura̱ aza a Masar na̱ a̱za̱ a̱ Kush, suru nle muwun na̱ mbara. Ne ɗa aa yuwan mmalu ataɓu waru babu atan na̱ gundo le a alanga, ili i wono e iɗa ya Masar. 5 Aza a na a zuwayi Kush ucira a̱vu waru a yuwan uvaɗu na aza a Masar a ta uwwa wovon reve waru a uwwa wono. 6 A̱tsuma̱ o urana u ndolo aza a na a̱ ri na̱ nden e iɗa i memere ma̱ mini a ta damma, <Ka̱lyuwa̱i ili i na i cinai aza a na tsu zuwayi ucira, aza a na tsu sumai a̱ 'ya̱wa̱ ye'e le adama a kamba tsu reve waru a wawa tsu e ekere o mogono ma Asiriya! Cine tsa ɗa tsaa la'ai?> >>