Nnwom 51

7 Fa hisope hohoro me ho, na me ho bɛte;

dware me, na mɛhoa asene sukyerɛmma.

8 Ma mente ahosɛpɛ ne anigyeɛ nka;

na ma nnompe a woabubuo no nni ahurisie.

9 Kata wʼani wɔ me bɔne ho

na pepa mʼamumuyɛ nyinaa.

10 Ao Onyankopɔn, bɔ akoma a emu teɛ wɔ me mu,

na ma me honhom foforɔ a ɛdi wo nokorɛ.

11 Mpamo me mfiri wʼanim

na ɛnyi wo Honhom Kronkron mfiri me mu.

12 Fa wo nkwagyeɛ mu anigyeɛ no ma me bio

na ma me ɔsetie honhom a ɛbɛkura me.