Mkulu Nguluwi kangumhagula Koleshi
1 Awu ndo usenga uwele Mkulu Nguluwi kangulonga kuwala Koleshi,
"Hegwe ndo mndewa yondikuhagule,
ndouwika nzinzili mong’ho wa hegwe,
leka uwadumye wanhu wa isi,
na kuusumya mong’ho wa wandewa.
Ndanguchumula lwizi lwa muji,
na haduhu lwizi luwele lohindigwa.
2 Ndokulongola,
na kuselega vidunda hali hegwe.
Ndobenanga lwizi ja shaba,
ndotemanga pingu za chuma.
3 Ndokupa ng’hano ivisigwe kuli jiza,
na lufufu luwele honhu ha chinyele,
leka uvizele kota heni ndo Mkulu Nguluwi,
Nguluwi wa Isilaeli, ndilingukuchema kwa itagwa lyako.