Yesaya 61

Umwaka wo kwemererwamwo n’Uhoraho

1 Mpwemu w’Uhoraho Nyeninganji, ari kuri jewe,

kuko Uhoraho yansize amavuta

ngo mbwire aboro ubutumwa bwiza.

Yantumye kwunga imitima isanzaye,

kumenyesha inyagano ko zibohowe,

no guha imbohe umwidegemvyo.

2 Yantumye kumenyesha umwaka wo kugirirwa ubuntu n’Uhoraho,

n’umusi wo kwihora kw’Imana yacu,

no kuremesha abagandaye bose,

3 nshirireho no kuri abo b’i Siyoni bagandaye,

urugori rw’ubwiza

mu gishingo c’iminyota,

amavuta y’akanyamuneza

mu gishingo c’ikigandaro,

n’umwambaro w’amashimwe

mu gishingo c’umutima wihebuye.

Bazokwitwa igiti c’ukugororoka,

catewe n’Uhoraho,

ngo cerekane ubwiza bwiwe.