Yesaya 66

Urubanza n’ivyizigiro

1 Uku ni ko Uhoraho avuze:

"Ijuru ni intebe yanje y’ubwami,

isi na yo ni indava y’ibirenge vyanje.

Mbega mwonyubakira inzu nyabaki?

Canke ikibanza canje co kuruhukiramwo coba hehe?

2 Mbega ukuboko kwanje si kwo kwaremye ivyo vyose

hanyuma bikabaho?"

ni ko Uhoraho abaza.

"Ariko abo ndaba ryiza

ni abicisha bugufi, bafise imitima imenetse,

kandi bahindira agashitsi ijambo ryanje.