Salmos 122

1 אַ געזאַנג פֿון די אַרױפֿגאַנגען; פֿון דָוִדן.

איך פֿרײ זיך אַז מע זאָגט מיר:

לאָמיר גײן אין הױז פֿון ה׳.

2 אונדזערע פֿיס שטײען

אין דײַנע טױערן, ירושָלַיִם.

3 ירושָלַיִם װאָס איז אױפֿגעבױט װי אַ שטאָט

װאָס איז זיך באַהעפֿט אין אײנעם;

4 װאָס אַהין גײען אַרױף די שבֿטים,

די שבֿטים פֿון ה׳,

פֿאַר אַן צײגנים צו יִשׂרָאֵל,

צו דאַנקען דעם נאָמען פֿון ה׳.

5 װאָרעם דאָרטן שטײען טראָנען פֿון משפּט,

די טראָנען פֿון דָוִדס הױז.

6 בעט פֿאַר דעם שלום פֿון ירושָלַיִם;

זאָלן אין שלװה זײַן אַלע דײַנע ליבהאָבער.

7 זאָל זײַן שלום אין דײַן מױער,

שלװה אין דײַנע פּאַלאַצן.

8 פֿון װעגן מײַנע ברידער און מײַנע חבֿרים

לאָמיך זאָגן: שלום אין דיר!

9 פֿון װעגן דעם הױז פֿון ה׳ אלוקינו

װינטש איך דיר גוטס.