Nalawahabei Nabureme
1 Nalawahabei Nabureme tau sun nuani;
nalawahabei liri Bungiu le sándubei lau sun núgubu.
2 Nalawahabei Nabureme tau sun nuani;
mabulieidúnbadina ni aban
lídangiñe sun ubuiduni le ladügübei nun.
3 Ligía ferudunabalin sun nuriban;
ligía areidaguagüdübalin sun nisandi;
4 ligía esefurubalin nibagari lídangiñe umúahaü;
ligía abuinchagüdübalina lau ínsiñeni luma areiduni;