Hínsiñeti nun nadügüni lugundan Bungiu
1 Ru numuti nemenigin luagu Nabureme,
aba líchuguni larigei lun laganbuni nagúarahan;
2 sefu lumutina lídangiñe umúahaü le lánina óunweni,
sefu lumutina luéi nabuluchun lidoun suanpu.
Ráramagüda lumutina derebuguñu luagu aban dübü,
derebugugüdalei néibugun.
3 Eremaagüda lumutina aban iseri uremu,
aban uremu lánina alawahani lun Wabungiute.
Saraguhaña aweiridagutu hanigi dan harihini katei le;
aba hemenigidun luagu Bungiu!