Anihein Aburemei wama
1 Bungiu waramudaguagülebei, ligía giñe wérebei;
ligía íderagubaliwa lidan nidiheri wamá.
2 Ligía manufudebadiwa lubéi íbini lagünrinchagun múa,
íbini labuluchun burí áraabu lidoun lilulin barana.
3 Manufudebadiwa
íbini ladürürühan barana, iñura ligía lugudi,
íbini ladadagarun burí áraabu lau ligañi.
6 Áünhatiña néchanigu,
adadagarati burí arúeihani,
günringuati múa dan le laganbagüdüni Bungiu lumalali.
10 «Deregegua humá hungua!
Subudi huméi luagu au lan Búngiubei!
Hóugiñeñadina sun néchanigu!
Lóugiñeñadina sun ubóu!»