Sálumu 78

Bungiu hama lánigu

1 Nánigu, teni humá lun narufudahan;

aganba huméi le nariñagubei hun!

2 Nadimureha lau hénpulu;

nadimureha luagu burí katei

le meha aramudaguati lúmagiñe binadu dan.

3 Le aganba wamaalibei subudi waméi,

le habahüdagubei meha wagübürigu woun;

4 maramudun wabéi hawéi wasaanigu.

Walawahabei Aburemei hama

iseri gürigia ha lúnbaña hayabin,

wadimurehaba luagu lubafu

luma burí luagu katei buiti le ladügübei.