Bungiu waramudaguagülebei
1 Ha áluahabaña haramudagun lidan Wabureme
aganóua hagía lábugiñe lamuñadina Bungiu Suntigabafu,
2 gayaraati hariñagun lun Bungiu:
«Buguya naramudaguagülebei, le óunigirubalina,
Buguya Nubungiutebei, le uágubei nemenigida!»
4 ladüga ladouraguba bau lau larüna,
areidañububa buidu lábugiñe larüna,
Lóunigirubadibu ligunfulin Bungiu
ageindagua ligíame báugiñe.
7 Hábürühaba milu hilaaña luéigiñe bubaünan,
diisi milu luéigiñe bóunwenren,
gama lumoun masuseredunbei ni kata bun.
9 Barǘ baali lubeigia Bungiu lun baramudaguagüleme,
le Íñugubei lun lóunigirunibu
10 ligía miábinbei lubéi ni aban wuribani buagun,
machülübei giñe sandi búbiñoun.