Salmos 3

1 Ao Awurade, hwɛ sɛdeɛ mʼatamfoɔ dɔɔso fa!

Dodoɔ no ara na wɔsɔre tia me!

2 Bebree no ara ka fa me ho sɛ,

"Onyankopɔn rennye no".

3 Nanso, Ao Awurade, woyɛ akokyɛm a atwa me ho ahyia

wohyɛ me animuonyam na wopagya me ti.

4 Meteam su frɛ Awurade,

na ɔgye me so firi ne bepɔ kronkron no so.

5 Metɔ hɔ na meda a,

menyane bio, ɛfiri sɛ Awurade kora me so.

6 Merensuro atamfoɔ mpem mpem a

wɔatwa me ho ahyia no.