സങ്കീർത്തനങ്ങൾ 103

8 യഹോവ കരുണയും കൃപയും നിറഞ്ഞവൻ ആകുന്നു;

ദീർഘക്ഷമയും മഹാദയയും ഉള്ളവൻ തന്നെ.

9 ദൈവം എല്ലായ്‌പ്പോഴും ഭർത്സിക്കുകയില്ല;

എന്നേക്കും കോപം സൂക്ഷിക്കുകയുമില്ല.

10 ദൈവം നമ്മുടെ പാപങ്ങൾക്ക് തക്കവണ്ണം നമ്മളോടു ചെയ്യുന്നില്ല;

നമ്മുടെ അകൃത്യങ്ങൾക്കു തക്കവണ്ണം നമ്മളെ ശിക്ഷിക്കുന്നുമില്ല.

11 ആകാശം ഭൂമിക്കുമീതെ ഉയർന്നിരിക്കുന്നതുപോലെ

അവിടുത്തെ ദയ അവിടുത്തെ ഭക്തന്മാരോട് വലുതായിരിക്കുന്നു.

12 ഉദയം അസ്തമയത്തോട് അകന്നിരിക്കുന്നതുപോലെ

ദൈവം നമ്മുടെ ലംഘനങ്ങളെ നമ്മോട് അകറ്റിയിരിക്കുന്നു.