സങ്കീർത്തനങ്ങൾ 41

ഒരു രോഗിയുടെ പ്രാർത്ഥന

1 എളിയവനെ ആദരിക്കുന്നവൻ ഭാഗ്യവാൻ;

അനർത്ഥദിവസത്തിൽ യഹോവ അവനെ വിടുവിക്കും.

2 യഹോവ അവനെ സംരക്ഷിച്ച് ജീവനോടെ പരിപാലിക്കും;

അവൻ ഭൂമിയിൽ അനുഗൃഹീതനായിരിക്കും;

അവന്‍റെ ശത്രുക്കളുടെ ഇഷ്ടത്തിന് അവിടുന്ന് അവനെ ഏല്പിച്ചു കൊടുക്കുകയില്ല.

3 യഹോവ അവനെ രോഗശയ്യയിൽ സഹായിക്കും;

രോഗം മാറ്റി അവനെ കിടക്കയിൽനിന്ന് എഴുന്നേല്പിക്കും.