സങ്കീർത്തനങ്ങൾ 95

ആരാധനയും അനുസരണവും

1 വരുവിൻ, നാം യഹോവയ്ക്കു പാടുക;

നമ്മുടെ രക്ഷയുടെ പാറയ്ക്ക് ആനന്ദത്തോടെ ആർപ്പിടുക.

2 നാം സ്തോത്രത്തോടെ തിരുസന്നിധിയിൽ ചെല്ലുക;

സങ്കീർത്തനങ്ങളോടെ ദൈവത്തിന്‍റെ മുമ്പാകെ ഘോഷിക്കുക.

3 യഹോവ മഹാദൈവമല്ലോ;

അവിടുന്ന് സകലദേവന്മാർക്കും മീതെ മഹാരാജാവു തന്നെ.

4 ഭൂമിയുടെ അധോഭാഗങ്ങൾ കർത്താവിന്‍റെ കയ്യിൽ ആകുന്നു;

പർവ്വതങ്ങളുടെ ശിഖരങ്ങളും അവിടുത്തേയ്ക്കുള്ളവ.

5 സമുദ്രം അവിടുത്തേതാണ്; ദൈവം അതിനെ ഉണ്ടാക്കി;

കരയെയും അവിടുത്തെ കൈകൾ മനഞ്ഞിരിക്കുന്നു.

6 വരുവിൻ, നാം വണങ്ങി നമസ്കരിക്കുക;

നമ്മെ നിർമ്മിച്ച യഹോവയുടെ മുമ്പിൽ മുട്ടുകുത്തുക.