Isaías 43

1 און אַצונד האָט אַזױ געזאָגט ה׳ דײַן בורא, יעקבֿ,

און דײַן פֿורעמער, יִשׂרָאֵל;

זאָלסט נישט מורא האָבן, װאָרעם איך לײז דיך אױס,

איך רוף דיך בײַם נאָמען, מײַנער ביסטו.

2 אַז דו װעסט גײן דורך װאַסער, בין איך מיט דיר,

און אַז דורך טײַכן, װעלן זײ דיך נישט פֿאַרפֿלײצן;

און דו װעסט גײן דורך פֿײַער, װעסטו נישט אָנגעברענט װערן,

און קײן פֿלאַם װעט דיך נישט אָנצינדן.

3 װאָרעם איך בין ה׳ דײַן ג-ט,

דער הײליקער פֿון יִשׂרָאֵל, דײַן העלפֿער;

איך גיב מִצרַיִם פֿאַר דײַן אױסלײז,

כּוּש און סבֿאָ אַנשטאָט דיר.