Isaías 61

1 דער גײַסט פֿון אֲדֹנָי ה׳ איז אױף מיר,

װײַל ה׳ האָט מיך געזאַלבט

צו ברענגען בשׂורה צו די פֿאַרליטענע;

מיך געשיקט צו פֿאַרבינדן די צעבראָכענע הערצער,

אױסצורופֿן פֿרײַשאַפֿט צו די געפֿאַנגענע,

און לױזלאָזונג צו די געבונדענע;

2 אױסצורופֿן אַ יאָר פֿון באַװיליקונג פֿון ה׳,

און אַ טאָג פֿון נקמה פֿון אלוקינו;

צו טרײסטן אַלע טרױערער;

3 צו באַשערן די טרױערער פֿון צִיוֹן,

זײ צו געבן אַ הױב אַנשטאָט שטױב,

אײל פֿון פֿרײד אַנשטאָט טרױער,

אַ מאַנטל פֿון לױב אַנשטאָט אַ באַטריבט געמיט;

און מע װעט זײ רופֿן די אײכנבײמער פֿון גערעכטיקײט,

די פֿלאַנצונג פֿון ה׳ זיך צום רימען.