Salmos 95

1 קומט, לאָמיר זינגען צו ה׳,

לאָמיר שאַלן צום פֿעלדז פֿון אונדזער הילף.

2 לאָמיר קומען פֿאַר זײַן פּנים מיט דאַנק,

מיט געזאַנגען לאָמיר שאַלן צו אים.

3 װאָרעם אַ גרױסער אֵל איז ה׳,

און אַ גרױסער מלך איבער אַלע ג-טער,

4 װאָס אין זײַן האַנט זײַנען די גרונטן פֿון דער ערד,

און די הײכן פֿון די בערג זײַנען זײַנע;

5 װאָס דער ים איז זײַנער, און ער האָט אים געמאַכט;

און די יבשה האָבן געפֿורעמט זײַנע הענט.

6 קומט, לאָמיר זיך בוקן און בײגן,

לאָמיר קניִען פֿאַר ה׳ אונדזער באַשעפֿער.