1 Saate nwu kamɛ lɛtaniko.

Lɛ nfɛ fabatɔkɔ mi falɛ:

"Flɛlɛtɛ fɛle kansiɛ fasifi kobokote lɛfɔ osi.

2 Diekye nyu, batii kpile nwu lɛnaanfi ataa lɛma;

bɛɛyɔ akplɔ lɛma beetika di sikũ suoto

di ditunu kamɛ alɛ bɔɔtaa

batii ba di situ lɛma kamɛ lɛkpa ni.

3 Nse bɛɛlalaasa asɔse nwu,

obe di batininitɛ mafuo ɔbla?"

4 Saate nwu nsi di olekatakɔ nɔɔ klekle kamɛ;

Saate nwu nsi di osi lɛkakpomii nɔɔ suoto.

Onyu batii babisuɔtɔbi nwu;

anu nɔɔ kololaa ma aanyu.

5 Saate nwu nsɔ batii tinini aanyu,

kafɔɔ batii kpile ku mba nimbɔmbɔ ni amumu ɔbla mma,

ɔkla nɔɔ lekyidi ma.

6 Abata atɔkɔnii bembe ku afuɔ kpankpa;

nnɔɔ fɛle kanto ankpete di batii kpile suoto;

kɔfɛɛfɔ filale ni male opũ lɛma.

7 Diekye Saate nwu mbla asaa tinini,

ambɔmbɔ lɛka tinini;

batii ba ninte ni tinini kamanya anu nɔɔ.