Salmos 123

Ɔlaa Ɔpɛ Diɛta Ni Nyaami Ɔnya

Osuku bakyɛntɛ onu.

1 Afɔ wɔ lɛkakpomii ninkpe ni di osi,

afɔ lɛtakatɛsa anu nii lɛkyɔɔ nɛ.

2 Fɛ mmle di balanle anu konyu ni saate lɛma kɔnɛɛ osuku,

fɛ mmle di kpɛmblatɛ-sanko anu konyu ni saate-sanko nɔɔ kɔnɛɛ osuku yi,

nkpo di anu loo konyu Saate, Yaa loo osuku nɛ,

diɛlaase di obe wɔ abanya wo ni nyaami nɔɔ.

3 Nya wo nyaami, O Saate, nya wo nyaami,

diekye butoonu atufa buɔpɔɔsa.

4 Mba nintakatɛsa ni suoto katoo ntɔɔma wo bɛɛklɛsa,

atufa kpinwu di mba ninkanta ni nnɛɛ.