Salmos 93

Yaa Ɔka Nwu

1 Saate nwu kole sɛka, akle akasaa;

Saate nwu nkle akasaa di dibu kanya

akle kafɔɔ akpɛsaa ku osie.

Bɛɛtɛ kayi nwu kpinkpĩ;

blɔbafuo ka ɔkpa.

2 Faase lɛkakpomii lɛfɔ nwu kofokofoko;

fakpe dinaa ni kaloo.

3 O Saate, lekpo nwu ntɔɔnyana,

lekpo nwu ntɔɔnyana diɔpɛ;

lekpo nwu ntɔɔnyana, ntu nini kɔpɛ osie kanya.

4 Fakpe onutũ falenke ntu kplɛ nwu lɛpɛ fɛle kanto dikpududuu,

fakpe onutũ falenke lekpo le nikɔpɛ ni-

Saate nwu kaatoo nkpe onutũ.

5 Afiofa lɛfɔ n-yɛ kpinkpĩ;

leklekle lɛsiɛko leyo lɛfɔ

O Saate, diɛta ni ayi ya ninaa ni kase.