1 Baye Yaa di Yuda;

leyooto nɔɔ lemuɔ di Israel.

2 Akpanta nɔɔ n-yɛ di Salem,

kasiɛkɔ nɔɔ di Sion.

3 Nfa aafefee akplɔ yakaka nwu,

kubiafunsaa nwu ku mpamii nwu, kakpɛ kamɛ akpɛsaa nwu nɛ. Yila kɛɛkɛ

4 Fɔɔtɛ fanlɛ onyu ku lɛkpa,

fakpe dibu falenke abokote ya ninkpe ni ku babɔkɛɛ.

5 Baafũ asaa di sɛkambi bakpɛtɛ nnɛɛ,

bɔɔkyɔsĩi sɛkyɔsĩ lɛma yɛntɛle;

bakpɛtɛ nwu kuonwii

dilaafuo nnɛɛ nɔɔ ɔtakatɛsa.

6 O Yakob Yaa, di ɔlaa lɛfɔ osĩ ɔta kamɛ,

pɔnkɔ ku keke wɔ di pɔnkɔ nnanfi ni akyuu nwu anyɔ nte kloklo.

7 Lete lɛfɔ dikaatɛ man-yɛkɛ.

Owe nimafuo oyila di anu lɛfɔ nse fɛɛnya ɔblɔ?

8 Feediki lɛbɛ ku lɛpɔɔ feekyeko osi,

ni di kasɔ layɛkɛ kaalo kanana nɛ-

9 O Yaa, nse fɛɛtaka falɛ fɔɔka,

falɛ foofũ batii ba bamuu diobuo ni di kasɔ nwu. Yila kɛɛkɛ

10 Nwaako ɔblɔ lɛfɔ di batii suoto nwako fɔ katansa,

fan-yɔ mba niebu bakpe ni nkpa di ɔblɔ lɛfɔ nwu kanya kafɔɔ fanta suoto.

11 Ka ntam fata Saate Yaa lɛfɔ, faabla ninwu kanya kafɔɔ;

ta nsɔ be mmuu ninkaako ni

bawako Nnwɔ baayɛkɛ ni akyɛsaa.

12 Nnwɔɔ nindiki kanya bayilatɛ anwuna nɛ;

kasɔ nwu baka nyɛkɛ nwɔ.