Katansa Di Atoko Ɔkyɛ Ole Osiɛ Kamɛ
Dawid onu. Osuku bakyɛntɛ onu.
1 Nyu mmle dilɛ, dikpeni ɔmɛnɛfɛ kafɔɔ
nse babilɛma nsi di lɛba ninwii di onwii ɔbla kamɛ!
2 Ote dite fɛle nnɔnyi be niefũ ni kɔya bɛɛnyɛɛnɛ beekpete ni diisi,
diosoo ninwa ni okusu suoto,
diosoo ni di Aron okusu suoto,
diosoo nimbuo ni di awu nɔɔ simu.
3 Ote dite fɛ Hermon ɔblokyi
nikɔkpa kunkpete ni di Sion Kobokote.
Diekye nfa di Saate nwu ntɛ lɛyɔɔ nɔɔ nɛ,
bia nkpa be ninaa ni kaloo.