1 Saate nwu kole sɛka, bita kasɔ kanya suoto lɛyɔɔ;

bita lekpo kotoko nsɔ be ninkpe ni fanfa dipɔ.

2 Alokonkyɛ ku dintunu pinle lɛmana nwɔ eekyi;

ɔsaabla tinini ku lɛka tinini ninle sɛka kalekɔ nɔɔ lɛsɔse.

3 Ɔtɔ nleko nwɔ katũ

kunfiɛfiɛ bakyiditɛ nɔɔ di ɔfankyi biala.

4 Ɔplalaa nɔɔ amunaa nsɔ ɔtɔ kaayi;

kasɔ kafɔɔ nnya, kantũtũkũ.

5 Abokote nnyinakĩi fɛle sɛtɔ̀ di Saate nwu anu,

di kasɔ kamuu di Saate nwu anu.

6 Osi nwu nyie ɔsaabla tinini nɔɔ lɛkya,

batii nwu bamuu kafɔɔ nnya lɛkpa nɔɔ.

7 Beekpee mba bamuu nintɔ ni awolasaa sinunsɔ.

mba ninkanta ni di afatii suoto-

afiɔ amuu, bisumu nwɔ!

8 Sion nnu, annya suoto lɛyɔɔ kafɔɔ,

Yuda sekpoo kafɔɔ mpɔ,

O Saate, ta lɛkanko lɛfɔ nwu oso.

9 O Saate, diekye afɔ ninle Nnwɔ Niɛtaka ni Katoo alenke ni di kasɔ nwu kamuu suoto;

bɛɛtakatɛsa fɔ katoo fanfa balenke afiɔ amuu.

10 Bita batii ba bamuu nimbɔmbɔ ni Saate nwu bakyidi okpile,

diekye nnwɔɔ ninyu banukwaletɛ nɔɔ nkpa disi

andiki ma kafɔɔ ankyeko bakpiletɛ nnɛɛ nɛ.

11 Lɛkpa nkpa ninta batininitɛ

suoto n-yɔɔ mba di situ kamɛ lɛkpa ni.

12 Aye ba ninte ni tinini, suoto siyɔɔ ye di Saate nwu kamɛ,

biɛtansa leyooto nɔɔ klekle nwu.