1 O Yaa, nyɛɛ nyaami, diekye batii ntikanko mi osie kanya;

dii kufĩ kumu boonyinka mi mantɛ kaasɔ.

2 Kanya nii babuditɛ ntikanko mi dii kufĩ kumu;

batii kpinwu kodieko mi di lɛkanta lɛma kamɛ.

3 Nse kɔyɛkɛ yi,

matika disi nii di suoto lɛfɔ.

4 Di Yaa, nnwɔ ɔlaa nintansa ni,

Yaa letika disi; namayɛkɛ.

Obe di otii-nyu mafuo mi ɔbla?

5 Dii kufĩ kumu mammunikĩisa sɛlaa nii;

obe lele bookpee asi baawo alɛ bababla mi amumu.

6 Bookũ kanwumbe, bɔɔtɛtɛɛ,

boonyunyu nnafunkpaa nii,

boomiɛ alɛ balo mi.

7 O Yaa, di ɔblɔ lɛfɔ kamɛ, wakosa nnle nwu kasɔ;

tanta ma baatoso baasifi di osuku kuonwii suoto.

8 Kpana ɔnyaami-laa nii fatɛ;

tɛ nnumɛɛ nii nsũ di kukũ lɛfɔ kamɛ-

aasi di kukũ lɛfɔ kamɛ?

9 Ni balo nii makple nkpaamaa

nse lɛkaalɛ lɛkyakaako.

Di nle mmle kamɛ matofo nlɛ Yaa ole mi ale.

10 Di Yaa, nnwɔ ɔlaa nintansa ni,

di Saate nwu, nnwɔ ɔlaa nintansa ni-

11 Yaa letika disi; namayɛkɛ.

Obe di otii mafuo mi ɔbla?

12 O Yaa, nsi di ntam kalɔ lɛta fɔ;

mayɔ sɛfa ɔpɛ asaaɔta nii nta fɔ.

13 Diekye fatoodiki mi feekyeko kukpi kamɛ

feenyu nkpaa nii kafɔɔ alɛ dietuula,

alɛ kakyɛ di Yaa anu

di nkpa lɛkpa nwu kamɛ.