1 O Yaa, nnle nwu ntoofũ atesaa lɛfɔ;

batɔɔkpɔnɔfɔsa olekatakɔ klekle lɛfɔ;

batoobibiɛ Yerusalem bɛɛtɛ kaasɔ.

2 Batɔɔyɔ bakpɛmblatɛ lɛfɔ bakpi bɛɛta

kɔfɛɛfɔ bakansiɛ fɛ alesaa,

baklekletɛ lɛfɔ suoto bɛɛta lepoo kamɛ babɔkɛɛ.

3 Batɔɔnyɛɛnɛ ntɔ beewii fɛle ntu

niɛmana Yerusalem omuu diekyi,

kuonwii kafɔɔ nnaa abakookaa ni bakpi nwu.

4 Butookple ditufa buɔta bawo loo,

lɛmansaa ku diyududusa buɔta mba niɛmana wo beekye ni.

5 O Saate, ɔmɛmbe? Fabanya ɔblɔ dinaa ni kaloo?

Ɔmɛmbe di sɛsɔfɔwo ɔkpɛ lɛfɔ nwu mafiɛ fɛle ɔtɔ kunaase?

6 Soosa ɔblɔ yakayaka lɛfɔ nwu fakpete nnle

be ninan-ye fɔ ni,

di sɛka nlekɔ

be ninanlɛɛ ni leyooto lɛfɔ;

7 diekye batɔɔbɛbɛɛ Yakob

bɛɛwɔɔsa kafa nɔɔ kafɔɔ.

8 Tan-yɔ bate loo sikple faata wo koto;

ta nyaami ɔnya lɛfɔ diwa wla diɛbatũ wo,

diekye diefĩ wo osie kanya.

9 O Yaa Dikitɛ loo, kyakaako wo,

ta leyooto lɛfɔ dibu nwu oso;

diki wo, faayɔ sikpile loo fakyɛ wo kafɔɔ

ta leyooto lɛfɔ oso.

10 Lɛ oso di nnle nwu mbuɛ alɛ,

"Ɔfɛ di Yaa lɛma nkpe?"

Diki fatuo di nnle nwu kamɛ di anu loo

falɛ fantufu koto di bakpɛmblatɛ lɛfɔ ntɔ be beewii nii.

11 Ta ayo batentɛ atuuni awa ɔkyɛ lɛfɔ;

fũ batii ba bɛɛtɛ alɛ babalo ni

ku kɔnɛɛ lɛfɔ osie.

12 Ta koto sikuɛnsĩ simu fata bawo loo di atĩ lɛma suoto

O Saate, di atufa ya batootufa fɔ ni.

13 Ni awo batii lɛfɔ, bafoso di sɛfa kaweekɔ lɛfɔ nwu,

bubatansa fɔ dinaa ni kaloo;

diɛyɔ ni kɔɔna diesifi ni kɔna

bubayɔ lɛtansa lɛfɔ muntɔɔta fɔ.