1 Bisa suoto lɛyɔɔ sinu bita Yaa, osie loo;

Bifaa osie kanya bita Yakob Yaa nwu!

2 Bikpee onu, bisɔkɔ akasa nwu,

bipɛ bakyitaa ku basanku mɛnɛmɛnɛ.

3 Bifɛ dikunumuu lɛkya di Kɔwɛntɛ Fɔle kamɛ,

nse kɔwɛntɛ ntoosi di dii le suoto buole ni Dii loo nwu;

4 nle mmle ninle kufiofa kuɔta ni Israel,

Yakob Yaa ɔsaabla nɛ.

5 Aabla kũ aatɛ fɛ kufiofa aata Yosef

di obe wɔ aakyɛ aalaadieko ni Egipte,

lɛba le buanu ni sele se butanu ni kasɔ.

6 Aabuɛ alɛ, "Latekete atoo di amuusi lɛma;

baatekete nnɛɛ lɛma di kakyikyɛ nwu suoto.

7 Faalɛɛ di nimiina lɛfɔ kamɛ, ni ladiki fɔ nɛ,

latuna lata fɔ di kanto okpududuu dituntũ kamɛ;

lasɔ fɔ lanyu di Meriba ntu katũ. Yila kɛɛkɛ

8 "O batii nii, binu, kamasĩ ɔlaa nta ye-

O Israel, nse bibakyɔɔ mi atoko!

9 Bitasinklee afiɔ bamba kaamɛ lee;

bitanwakasɔ biata bafɔɔ afiɔ.

10 Ami ninle Saate, Yaa lee,

nnwɔ niakpaa ye aakyeko ni Egipte.

Bɛ kanya lɛfɔ foo, ni mata ka kan-yii.

11 "Kafɔɔ batii nii dilɔbakyɔɔ mi atoko;

Israel dilɔbawakosa suoto kasɔ atɛɛ.

12 Nioso layɔ ma lata onunsie situ lɛma nwu

alɛ baasiɛ nkpa lɛma mmu.

13 "Nse batii nii makyɔɔ mi atoko,

nse Israel matikanko sisuku nii,

14 lɛ ninapɛsɛwa nlenkee balo lɛma

mmunikĩisa kɔnɛɛ nii kafɔɔ di bakyiditɛ lɛma suoto!

15 Batii ba niekyidi ni Saate nwu kamayɛkɛ, manwa anu nɔɔ,

letoko nanfi lɛma kafɔɔ mate dinaa ni kaloo.

16 Kafɔɔ makonkosa fɔ ku anaatĩ nwaa;

kamamiɛsa fɔ ku bablɔ ba niekye ni difuɔnkpaa kamɛ."