1 Saate, owe nimasiɛ di olekatakɔ lɛfɔ kamɛ?

Owe nimasiɛ di kabokotee lɛfɔ klekle nwu?

2 Otii wɔ di ole kuonwii nnaa ni di lɛkyɛmbi nɔɔ suoto,

ambla ni kafɔɔ asaa tinini,

nnwɔ nimbuɛ ni onukwale ankyeko ni otu nɔɔ kamɛ

3 anan-yɔ ɔkplalomii nɔɔ kafɔɔ alalaasa ni batii,

ammbla kafɔɔ owo nɔɔ okpile

ankpee kafɔɔ otii wo nɔɔ sinunsɔ,

4 otii wɔ ninkyidi ni kpiletɛ

kafɔɔ ambu ni batii ba ninyɛkɛ ni Saate nwu,

ambla ni di ntam nɔɔ kanya

kuntɛ ninwɛ nwɔ osie,

5 otii wɔ ninfɛnsa ni koto ananfũ lɛsaa aatikasa ni

ananfũ ni ditunu kamɛ lɛsaa, aayɔ lɛbɛ aata ni lɛpɔɔkpitɛ.

Otii wɔ nimbla ni asaa ya mmle

dilɔbatũkũ diidii.