1 Saate nwu kole sɛka,

bita nnle ditũtũkũ;

asi oole sɛka di bakerubim obo,

bita kasɔ katũkũ.

2 Saate nwu Lemuɔ di Sion;

bɛɛtakatɛsa nwu katoo di nnle mmuu suoto.

3 Bita ma batansa leyooto kplɛ ku lɛyɛkɛle lɛfɔ nwu-

ate klekle.

4 Ɔka nwu nkpe onutũ, ambɔmbɔ lɛka tinini-

afɔ niɛtɛ ɔsaabla kyɛkyɛ;

di Yakob kamɛ fɛɛbla

lɛsaa le ninte ni nkpo, dilɛ ni kafɔɔ.

5 Bitakatɛsa Saate Yaa loo katoo

biesumu di nkpaa ditikasaa nɔɔ katũ;

ate klekle.

6 Mose ku Aron lasiɛ di olebatatɛ nɔɔ kamɛ,

Samuel kafɔɔ lasiɛ di mba nialɛɛ ni leyooto nɔɔ kamɛ;

baalɛɛ Saate nwu

ni aatuna aata ma nɛ.

7 Aakakatɛ aata ma di dituntũ takale nwu kamɛ;

baale afiofa nɔɔ, baakyɛ di sisuku nɔɔ se aata ma nii.

8 O Saate, Yaa loo,

faatuna faata ma;

faale Yaa wɔ nin-yɔ ankyɛ ni faata Israel,

kuntɛ faanaanfi ɔtanlolaa ɔbla lɛma kootoko.

9 Bitakatɛsa Saate Yaa loo nwu katoo

biesumu di kobokote klekle nɔɔ nwu suoto,

diekye Saate, Yaa loo nwu nte klekle.