1 Oo Yaa, lolaa mi fatĩtĩi,

diekye afɔ lɛtaniko.

2 Latɔkɔ Saate nwu nlɛ, "Saate nii ninle afɔ;

afɔ kamaa, lɛsaa biene kuninwii nsinnaa mi."

3 Baklekletɛ ba ninkpe ni di kasɔ nwu suoto yi,

bale dibu bale ba kamɛ di suoto lɛyɔɔ nii nimuu nsi ni.

4 Batii ba nintikanko ni bayaa bamba

dibuo mataka katoo.

nɔmakpete oleɔta ntɔ lɛma nwu kaasɔ

ee mbɛ kanya nlɛɛ ayooto lɛma.

5 Saate, afɔ ninle mi kalekɔ ku opũ nii;

afɔ ninkle mi nkpa.

6 Amɛ nwu lefe di lɛba nwaa ɛɛtɛɛ;

nwaako atesaa nwu lebuo mi anu.

7 Kamatansa Saate nwu, nnwɔ ninkakatɛ antɛɛ nii;

bia kakyɛ, otu nii ntuo mi asaa.

8 Lɛyɔ Saate nwu lese di anu nii obe lele.

Ta akpe mi ni di oletanɛɛkyɛ oso,

nɔmatũkũ.

9 Nioso otu nii kɔnya suoto lɛyɔɔ, ɔkplalomii nii kafɔɔ kɔpɔ;

suoto nii kafɔɔ nsi di atoko ɔkyɛ ole kamɛ,

10 diekye flɔbadiɛ mi di ɔkya kamɛ,

ee fata Klekletɛ lɛfɔ nwu anya kawɔɔ.

11 Fatɔɔtɛɛ letofo nkpa osuku nwu;

fabata suoto lɛyɔɔ n-yii mi kamɛ di anu lɛfɔ,

ku lɛpɔ le ninaa ni kaloo di oletanɛɛkyɛ lɛfɔ.