1 Batɔɔbla mi amumu osie kanya diayɔ ni di sekosopo nii obe-

bita Israel abuɛ alɛ-

2 batɔɔbla mi amumu diayɔ ni di sekosopo nii obe,

kafɔɔ baafuo mi olenkee.

3 Beetika mi nkɔ kaamaa ku anwa blɛblɛ

bɛɛtɛ sekplo kanaale fɛle mmle di fekpɛntɛ mbɛ ni kasɔ.

4 Kafɔɔ Saate nwu nle tininitɛ;

atoobudi mi eefukuti mi di bakpiletɛ sikũ nwu.

5 Bita mba niekyidi ni Sion

bakple basifi ku sinunsɔ.

6 Bita ma bate fɛle sɛfa di lɛkyá osi,

sin-yɔɔ ni fiɛ sintaka ni;

7 fiɛlɛtɛ ninfuo sĩ osiisa di kɔnɛɛ nɔɔ kamɛ,

ee nnwɔ ninsiisa ni, ayiisa sĩ di nnɛɛ nɔɔ kamɛ.

8 Tanta mba nimbudi manfe ni labuɛ alɛ,

"Saate nwu suoto lɛyɔɔ disiɛko ye;

suoto siyɔɔ ye di Saate nwu leyooto kamɛ."