Salmos 98

Yaa, Kayi Nwu Tunletɛ

Onu

1 Bisa onu fɔle bita Saate nwu,

diekye ɛɛbla asaa ya niɛbla ni ɔkpɛ;

koletanɛɛ nɔɔ ku kɔnɛɛ nɔɔ klekle

lɛbla didiki ɔkpɛ ɛɛtɔɔ.

2 Saate nwu lɛta beetofo didiki nɔɔ

eediki kafɔɔ ɔsaabla tinini nɔɔ kayi ɛɛta nnle.

3 Atoonyuma lɛbɔmbɔ nɔɔ

ku onukwale nɔɔ ɛɛta Israel leyo nwu;

kasɔ nyɛntɛlekɔ nwu mmuu ntɔɔnya

Yaa loo nwu didiki.

4 Kasɔ kamuu, biyiisa suoto lɛyɔɔ kudu bita Saate nwu,

bidie ku lɛpɔ sinu ɔsa;

5 bisa sinu bita Saate nwu ku sanku,

ku sanku nwu ku sinu ɔsa sɛlɔ,

6 ku akyukyoo ku dikunumuu lɛkya lɛfɛ-

bieyiisa suoto lɛyɔɔ kudu di Saate, Ɔka nwu anu.

7 bita lekpo ku asaa ya amuu ninsi ni kaamɛ adiki kanya;

kayi, ku mba bamuu ninsi ka ni kaamɛ.

8 Bita sekle sipɛ anɛɛkya,

bita abokote asi aasa suoto lɛyɔɔ sinu;

9 ta nya asa sinu di Saate nwu anu,

diekye ɔɔwa abakanko kasɔ nwu.

Abakanko kayi di ɔsaabla tinini kanya

ku batii nwu kyɛkyɛ.