1 O Yaa, tɛɛ lɛbɛ,

faabuɛ ɔlaa nii kafɔɔ fatɛɛ di kale ka ninambu ni Yaa nfũ;

diki mi di balaatɛ ku bakpiletɛ nnɛɛ.

2 Afɔ ninle Yaa kamaa kakpɛkɔ nii.

Obe oso fatoosĩ mi?

Obe oso kakyɛ nkyi ntoowi,

lo nwu ntoonyinka mi?

3 Kyesee lɛkpa lɛfɔ ku onukwale lɛfɔ nwu,

faata nya aleko mi katũ;

faata nya akpaa mi awako kobokote klekle lɛfɔ nwu,

di lɛba le fasi ni.

4 Ni kamakyɛ Yaa oleɔta akyikye katũ,

di Yaa, lɛpɔ̀ nii ku suoto lɛyɔɔ nii nfũ.

Matansa fɔ ku sanku,

O Yaa, Yaa nii.

5 O ɔkla nii, be oso feebuo sɛnyaami nkpo?

Be oso fɛɛkpɔkpɔtɔ kaamɛ nii nkpo?

Yɔ osuku onyu lɛfɔ fatika di Yaa suoto,

diekye kamakple ntansa nwɔ,

Dikitɛ nii ku Yaa nii.