1 Bitansa Saate nwu.

Kamapɛ Saate nwu sɛfa ku otu nii omuu

di mba situ niɛkpa ni di dikudi nwu ku kasiisakɔ nwu kamɛ.

2 Saate nwu sɛkpɛ lɛmuɔ;

batii ba bamuu ninnya ni suoto lɛyɔɔ di suoto nɔɔ ntekete lɛsaa.

3 Dibu ku nimuɔ ninle sɛsaabla nɔɔ,

ɔsaabla tinini nɔɔ nkpe dinaa ni kaloo.

4 Ɛɛta boonyuma sɛkpɛ nɔɔ se niɛbla ni ɔkpɛ;

Saate nwu nkpe sifutulɛ ku nyaami ɔnya.

5 Anta mba nin-yɛkɛ nwɔ ni alesaa;

anyuma kanya ninii nɔɔ dinaa ni kaloo.

6 Atootuo batii nɔɔ sɛkpɛ nɔɔ osie nwu,

ɛɛyɔ nnle bamba nsɔ ɛɛta ma.

7 Nnɛɛ nɔɔ sɛkpɛ nkpe onukwale, site nkpo kafɔɔ;

afiofa nɔɔ amuu nle disitikasaa.

8 Bɛɛtɛ nya dinaa ni kaloo,

baabla nya di onukwale ku situ se niɛkpa ni kamɛ.

9 Ɛɛta batii nɔɔ suoto osiɛko;

eese kanya ninii nɔɔ dinaa ni kaloo-

leklekle ku difu ninle leyooto nɔɔ.

10 Saate nwu ɔyɛkɛ ninle ninumbe kasɔ kakyekɔ;

mba bamuu niele ni afiofa nɔɔ nkpe lɛsaatofo nwaa.

Lele nwɔ ninle katansa dinaa ni kaloo.