1 Lanya suoto lɛyɔɔ ku mba niatɔkɔ mi ni alɛ,

"Bita bukyɛ ni Saate nwu leyo."

2 O Yerusalem, nkpaa loo n-yɛ

di n-yoko lɛfɔ.

3 Beetofo Yerusalem fɛle okpoo kplɛ

bɛɛkyasa baawo kpinkpĩ.

4 Nfa di nfaabi nwu,

Saate nwu nfaabi,

nkyɛ manaatansa Saate nwu leyooto

di mmle kanya baata ni Israel kufiofa nwu.

5 Nfa di lɛkanko akakpomii n-yɛ nɛ,

Dawid leyo akakpomii.

6 Pɛ ɔlaa fata Yerusalem atoko ɔkyɛ ole:

"Bita asaa alɛ ɔkyɛ ata mba nimbɔmbɔ fɔ ni.

7 Ta atoko ɔkyɛ ole awɛ di siyoyiɛ lɛfɔ

di kanyu nwaa kafɔɔ kawɛ di akayo nwofakɔ lɛfɔ."

8 Ta babiloo ku basiɛwo nii oso yi,

kamabuɛ nlɛ, "Atoko ɔkyɛ ole asiɛ fɔ kaamɛ."

9 Ta Saate, Yaa loo oso yi,

kamamiɛ fɔ lɛlɛ.