1 O Yaa babisuɔtɔbi*, biyɔ bita Saate nwu,

biyɔ dibu ku osie bita Saate nwu.

2 Biyɔ dibu le niesiɛko ni Saate nwu bita leyooto nɔɔ;

Bisumu Saate nwu di sɛlɛ di leklekle nɔɔ kamɛ.

3 Saate nwu sɛlɔ kodie di ntu nwu osi;

Yaa lɛkpa nwu kodie fɛ kanto dikpududuu,

Saate nwu sɛlɔ kodie fɛ kanto dikpududuu di lɛkpo osi.

4 Saate nwu sɛlɔ nkpe osie;

Saate nwu sɛlɔ nkpe dibu.

5 Saate nwu sɛlɔ nfefee sedar awoso;

Saate nwu nfefee Lebanon sedar awoso kukuikukuii.

6 Anta Lebanon nyeyefe fɛle lɛnankyuebi,

Sirion kobokote nte fɛle kɔkɔ dibi.

7 Saate nwu sɛlɔ nkplalaa

ku ɔplalaa amunaa.

8 Saate nwu sɛlɔ ntũkunsa ɔfaafuu nwu;

Saate nwu ntũkunsa Kades Ɔfaafuu nwu.

9 Saate nwu sɛlɔ mmumunikĩisa awoso kplɛ

anta kafɔɔ apoo nte foee.

Di olekatakɔ nɔɔ kafɔɔ batii bamuu nfaa alɛ, "Dibu!"

10 Saate nwu nsiɛ di lɛkakpomii suoto di ntu be nieyii ni osi;

Beese Saate nwu sɛka fɛ Ɔka dinaa ni kaloo.

11 Saate nwu nta batii nɔɔ osie;

Saate nwu nwii batii nɔɔ lɛyɔɔ ku atoko ɔkyɛ ole.