1 Bitansa Saate nwu.

O ɔkla nii, tansa Saate nwu.

2 Kamatansa Saate nwu di nkpa nii mmuu kamɛ;

kamasa katansa sinu nta Yaa di obe wɔ lɛnya nsi ni nkpa.

3 Tan-yɔ disi lɛfɔ faatika di banɔɔfo suoto,

di batii-nyu ba ninamafuo ni batii odiki.

4 Nse anwuna lɛma ledie, mankple mansifi kasɔ;

di dii nwu nkpo suoto, asibu lɛma ninsindie lɛsalɛsaa.

5 Suoto siyɔɔ nnwɔ di lɛkyakaako nɔɔ ninle ni Yakob Yaa,

nnwɔ di osuku onyu nɔɔ nsi ni di Saate Yaa nɔɔ kamɛ,

6 osi ku kasɔ Blatɛ nwu,

lekpo ku lɛsaa biala ninsi ni niini kamɛ-

Saate nwu, nnwɔ ninkpe ni onukwale dinaa ni kaloo.

7 Anka anta mba boonyinka ni

anta kafɔɔ akabakleetɛ alesaa.

Saate nwu kafɔɔ ndiki leyo batentɛ di ayo ntenkɔ,

8 Saate nta banumbiɛtɛ nnya,

Saate nwu kafɔɔ ntakatɛsa mba bɛɛwakosa ni kasɔ katoo,

Saate nwu mbɔmbɔ batininitɛ.

9 Saate nwu nnyu bafɔɔ,

anklee kafɔɔ bakuɛbi ku bakpisɔfɔ

kafɔɔ ankpɔkpɔtɔsa bakpiletɛ sisuku.

10 Saate nwu kole sɛka dinaa ni kaloo,

O Sion, Yaa lɛfɔ ale ata ana amuu.

Bitansa Saate nwu.