1 Aye nnle mmuu, bipɛ anɛɛkya;

bifafaa ku suoto lɛyɔɔ sinu bita Yaa.

2 Mmle di lɛyɛkɛ nsi ni di Saate wɔ Niɛtaka Katoo Alenke ni,

ɔka kplɛ nwu di kasɔ kamuu suoto!

3 Aawakosa nnle kasɔ aakpee wo kaalɔ,

batii ba ninsi ni di nkpaa loo kalɔ.

4 Aadiki atesaa loo aata wo,

ale ni Yakob wɔ aabɔmbɔ ni lɛkantasaa.Yila kɛɛkɛ

5 Yaa ntoosifi osi ku suoto lɛyɔɔ kudu,

Saate nwu lasifi di akyukyoo sɛlɔ kamɛ.

6 Bisa katansa sinu bita Yaa, bisa katansa sinu;

bisa katansa sinu bita Ɔka loo, bisa katansa sinu.

7 Diekye Yaa ninle Ɔka di kasɔ kamuu suoto;

bisa katansa onu bitɔɔ.

8 Yaa kole sɛka di nnle nwu suoto;

Yaa nsi di lɛkakpomii nɔɔ klekle suoto.

9 Nnle nwu batii finle n-si

fɛ Abraham Yaa batii,

diekye kasɔ nwu suoto baka nle Yaa bale;

bɛɛtakatɛsa nwɔ katoo nwaa.