1 Bitansa Saate nwu.

Bitansa Yaa di lɛkpaayo klekle nɔɔ kamɛ;

bitansa nwɔ di osi kplɛ nɔɔ nwu.

2 Bitansa nwɔ ta osie nɔɔ ablasaa oso;

bitansa nwɔ ta sɛsaabla kplɛ nɔɔ se niɛbla ni ɔkpɛ oso.

3 Bitansa nwɔ ku akyukyoo ɔfɛ sɛlɔ,

bitansa nwɔ ku kyitaa ku sanku,

4 bitansa nwɔ ku akasa ku katũ,

bitansa nwɔ ku sikũ sanku ku kakyukyoe,

5 bitansa nwɔ ku abi ɔsa,

bitansa nwɔ ku abi ya sɛlɔ nikodie ni.

6 Bita lɛsaa biala di ninwuna nsi ni atansa Saate nwu.

Bitansa Saate nwu.