1 O Saate ɔmɛmbe? Fabayee mi dinaa ni kaloo?

Fabawofasa anu lɛfɔ di suoto nii faanase di ɔmɛmbe kamɛ?

2 Ɔmɛmbe kamabu disi nnaase?

Di dii biala kowi ni sɛnyaami di otu nii kamɛ?

Ɔmɛmbe di lo nii kamanwɔtɔ mi anse?

3 O Saate, Yaa nii, nyu mi faatuna fatɛɛ.

Ta anu nii akpa, se diele nkpo kamate di kukpi kamɛ;

4 lo nii kamabuɛ alɛ, "Ntoolenkee nwɔ,"

bakyiditɛ nii kafɔɔ kamapɔ nse lɛpɛ kaasɔ.

5 Kafɔɔ ami, letika disi di lɛbɔmbɔ lɛfɔ le ninaa ni kaloo suoto;

otu nii nnya suoto lɛyɔɔ di didiki lɛfɔ kamɛ.

6 Kamasa onu nta Saate nwu,

diekye ɛɛbla abiene ɛɛtɛɛ.