Ɔlaa Ɔpɛ Di Suoto Kasɔ Ɔwakosa Disi Otika
Dawid. Osuku bakyɛntɛ onu.
1 O Saate, otu nii dilɔɔtakatɛsa suoto katoo,
nnaa anu kplɛ;
ninkpee suoto nii kubuɛ ku sɛlaa kplɛ
ee sɛsaabla se niesii ni ɔkpɛ ɔbla suoto.
2 Kafɔɔ ntɔɔmaasa kanya, ɔkla nii kafɔɔ lelo kanana;
fɛle mmle di obisɔ nlo kanana antika ni di ɔya suoto;
fɛle obisɔ wɔ nielo ni kanana nkpo di ɔkla nii nte kaamɛ nii nɛ.
3 O Israel, yɔ osuku onyu lɛfɔ fatika di Saate nwu suoto
diɛyɔ ni di nua dinaa ni kaloo.