1 Suoto siyɔɔ otii wɔ

ninankyɛ ni di bakpiletɛ kɔkà kanya

ee ayila ni di bakpileblatɛ osuku

ee asiɛ ni di batii bamantɛ kasiɛkɔ.

2 Kafɔɔ annya ni suoto lɛyɔɔ di Saate nwu kufiofa suoto,

ambu ni disi di kufiofa nɔɔ suoto kakũ ku kakyɛ.

3 Ate fɛle kowoso ko bɛɛsɔ ni di situkle ɔlɔɔkɔ,

kuntika ni abi di obe nikũ kamɛ,

di afata nikũ ninyɔɔ nii.

Lɛsaa lele ɛɛbla, ninlɛ nintɔɔ.

4 Diete nkpo dita bakpiletɛ!

Bate fɛle sɛsɔ

di kɔfɛɛfɔ nfɛ kunsifiko nii.

5 Nioso bakpiletɛ dilɔbafuo oyila di lɛkanko nwu,

ee bakpileblatɛ basiɛ di batininitɛ dikudi kamɛ.

6 Diekye Saate nwu n-ye batii tinini osuku,

kafɔɔ bakpiletɛ osuku nnwu kubayu.