1 O Saate, balo nii mpɔ!

Batii kpinwu lɛtaka bayɛ di suoto nii!

2 Batii kpinwu kɔkakatɛ di suoto nii alɛ,

"Yaa dilɔbadiki nwɔ." Yila kɛɛkɛ

3 O Saate, kafɔɔ afɔ ninle kubidifunsaa niɛmana mi diekyi ni;

afɔ nietika mi dibu di suoto ni fɛɛtakatɛsa disi nii katoo nɛ.

4 Lewi lɛlɛɛ Saate nwu osie kanya,

ni eetuna ɛɛtɛɛ di kabokotee klekle nɔɔ nwu nɛ. Yila kɛɛkɛ

5 Lɛklɛ lete lɛkyɔsĩi;

lekple lɛsɛnkɛ, diekye Saate nwu lemufũ mi akle.

6 Namayɛkɛ batii nkpe nkpe nwu

niɛtaka bɛɛmana mi beekyi nii.

7 O Saate, taka!

O Yaa nii, diki mi!

Pɛ balo nii bamuu di atokosi;

faafefee bakpiletɛ nwu anyɛɛ.

8 Saate nfũ di didiki nkye.

Ta lɛyɔɔ owii lɛfɔ diwa di batii lɛfɔ suoto. Yila kɛɛkɛ