Salmos 120

Ɔlaa Ɔpɛ Diɛta Ni Lɛkyakaako

Osuku bakyɛntɛ onu.

1 Nlɛɛ Saate nwu di niniina nii kamɛ,

ni antuna antɛɛ nɛ.

2 O Saate, diki mi fakyeko sɛlaa ku afunu anyasibi

ku kakyɔnkyɔ sɛkplalomii kamɛ.

3 Obe ababla fɔ,

O kakyɔnkyɔ ɔkplalomii, be bamba niekple dikpe?

4 Abanaanfi fɔ kootoko ku kpɛtɛ ataa blɛblɛ,

ku lɛkambe kowoso atɔkɔnii kpankpa.

5 Nnyɔɔsa alɛ nsi di Mesek,

alɛ nsi di Keda akpaayo kamɛ!

6 Ntoosii osiɛ

di mba niekyidi ni atoko ɔkyɛ ole kamɛ.

7 Atoko ɔkyɛ ole otii nle;

kafɔɔ nse lɛkakatɛ, mma mankpɛ kakpɛ.