1 Bitansa Saate nwu.

O Saate nwu bakpɛmblatɛ, bitansa,

bitansa Saate nwu leyooto.

2 Bita batansa Saate nwu leyooto,

diɛyɔ ni di nua dinaa ni kaloo.

3 Diɛyɔ ni di kufĩ katunkɔ diesifi ni lɛba le kummɛɛ nii,

batansa Saate nwu leyooto.

4 Bɛɛtakatsa Saate katoo di nnle nwu mmuu suoto,

lɛkpa nɔɔ lɛtaka katoo dilenke osi.

5 Owe ninte fɛle Saate Yaa loo nwu,

Nnwɔ ninsi ni di lɛkakpomii suoto di osi,

6 nnwɔ ninkɛnsa aanyu ni

osi ku kasɔ?

7 Antakatɛ bapiitɛ di kudu kamɛ

antakatɛsa mba diefĩ ni di ntɔ̀ ditii suoto;

8 ansiɛsa ma ku banɔɔfotii babi,

ku batii lɛma banɔɔfotii babi.

9 Anta ɔsanko ɔlɛma nwu nsiɛ di leyo nɔɔ

fɛ babi ɔya ku suoto lɛyɔɔ.

Bitansa Saate nwu.