1 Kasɔ kamuu yiisa kudu ku suoto lɛyɔɔ bita Yaa!

2 Bisa sinu se nimata ni leyooto nɔɔ dibu;

bita dibu disiɛ di katansa nɔɔ!

3 Tɔkɔ Yaa falɛ, "Lɛyɛkɛ nsi di sɛsaabla lɛfɔ kamɛ!

Osie lɛfɔ lɛtɛ kuomuɔ

alɛ balo lɛfɔ nwakasɔ di anu lɛfɔ.

4 Kasɔ kamuu nwakasɔ kanta fɔ;

mansa katansa sinu manta fɔ,

mansa katansa sinu mata leyooto lɛfɔ." Yila kɛɛkɛ

5 Biwa biɛbanyu nle di Yaa lɛbla ni,

mmle di sɛkpɛ nɔɔ nle ni lɛyɛkɛ di batii kamɛ!

6 Aata lekpo lakple kasɔ kosole,

baafe di ntu nwu kamɛ ku nkpaa-

biwa, biɛta bunya suoto lɛyɔɔ di kamɛ nɔɔ.

7 Oole sɛka dinaa ni kaloo ku osie nɔɔ,

anu nɔɔ kɔnya nnle nwu-

bitanta batokopĩitɛ lataka baayila nwɔ di suoto. Yila kɛɛkɛ

8 O batii, bitansa Yaa loo,

bita banu katansa nɔɔ sɛlɔ nwu;

9 eenyu nkpa loo disi

annyu nkpaa loo kafɔɔ alɛ diɛfɛntɛ.

10 O Yaa, diekye afɔ niasɔ wo faanyu;

feefoto wo fɛle koto fututu.

11 Faatɛ wo di leyo katenkɔ

faayɔ atoo kafɔɔ faatika di mmaa loo.

12 Fɛɛta batii kosiɛ di asi loo manfe;

buafe di ɔtɔ ku ntu kamɛ,

kafɔɔ faakpaa wo faawako lɛba le di lɛlɛ nkpe nii.

13 Kamawa olekatakɔ lɛfɔ ku ofiɛ asaaɔta

kamale kafɔɔ onukwale nta fɔ di ntam nii kanya-

14 ntam be di anyasibi nii labuɛ aatɛ ni ku kanya nii lakakatɛ

di obe wɔ lawɛ ni ɔlaa.

15 Kamayɔ babɔkɛɛ ba ninsi ni lɛla nta oleɔta nta fɔ

ku asaaɔta akunumuu;

kamata banankyue ku batie nta fɔ. Yila kɛɛkɛ

16 Aye ba bamuu ninyɛkɛ ni Yaa, biwa biɛbanu;

bitɛɛntɔkɔ ye lɛsaa le ɛɛbla ɛɛtɛɛ ni.

17 Lawi lalɛɛ nwɔ ku kanya nii;

katansa nɔɔ ntika di ɔkplalomii nii suoto.

18 Nse fɛ mbɔmbɔ okpile di otu nii kamɛ,

see Saate nwu ditaakyɔɔ mi atoko;

19 kafɔɔ nwaako Yaa ntɔɔkyɔɔ mi atoko

eenu kafɔɔ sɛlɔ nii di ɔlaa ɔpɛ kamɛ.

20 Baatansa Yaa,

nnwɔ nintasĩ ni ɔlaa ɔpɛ ɔta nii

ee adiɛ mi ni lɛbɔmbɔ nɔɔ ɔta!