1 Babuutɛ mbuɛ di situ lɛma kamɛ alɛ,

"Yaa nnaa."

Batɔɔlalaa, sɛsaabla lɛma kafɔɔ ninnlɛ onyu;

kuonwii lɛma nimbla lɛsaa biene.

2 Yaa nnyu batii babisuɔtɔbi

ankyeko osi

aanyu nse owo nkpe aye ni lɛsaa,

anwolaa ni Yaa osuku.

3 Otii biala ntookple nkpaamaa,

batoosi bɛɛlalaa;

kuonwii lɛma nimbla lɛsaa biene,

bia onwii nnaa.

4 Bakpileblatɛ dilɔbatekete lɛsaa-

mba ninwee ni batii nii fɛ mmle di batii nle ni bloblo

di mma kafɔɔ manampɛ ɔlaa baata ni Yaa?

5 Nfa baawɛ ku difu kplɛ nɛ,

nfũ di lɛsalɛsaa ditawɛ baayɛkɛ nii.

Yaa lasamiisa mba niadieko fɔ ni akufi;

faakpee ma sinunsɔ, diekye Yaa lasĩ ma.

6 O, Israel didiki nwu madie ninkye Sion!

Nse Yaa lekplesa lɛsaawɛ nwu ɛɛta batii nɔɔ,

ta Yakob anya suoto lɛyɔɔ di Israel kafɔɔ apɔ!