1 Saate nwu ninle mi kpatɛ, lɛsalɛsaa dilɔbafĩ mi.

2 Antɛɛ nklɛ nte di sɛfa bokoboko kaweekɔ,

ankpaa mi ankyɛnko katu ka ninte ni kloklo kotoko

3 ankple ankpee ninwuna nii ɔnyɛɛ.

Anleko mi katũ di ɔsaabla tinini sisuku suoto

ta leyooto nɔɔ oso.

4 Bia kuntɛ nkyɛ

nfe di kɔwɛ di kukpi ditunu kamɛ yi,

namayɛkɛ okpile kuonwii,

diekye afɔ fasiko mi;

owoso lɛfɔ ku ɔkyɛnwoso lɛfɔ,

nkpee mi kɔnɛɛ kaafutu.

5 Feetũ opunu di katũ nii

di balo nii anu.

Feefifia disi nii ku nnɔnyi;

opũ nii leyii kuɔwaalɛ.

6 Nwaako, dibiene ku lɛbɔmbɔ nimatikanko mi

di nkpa nii ayi amuu kamɛ,

ni masiɛ di Saate nwu leyo kamɛ

obe lele.