1 Nse Saate nwu dietofo leyo,

ni kasakasa di batofotɛ kɔbla ɔkpɛ.

Nse Saate nwu dienyu okpoo,

kasakasa di banyuntɛ n-yɛ boonyu nwu.

2 Kasakasa mintaka ku kolesɛtũ

minn-woolaa ote kafɔɔ,

biɔkpɛ̀ minta alesaa ya biale nii-

diekye anta mba ambɔmbɔ ni nte mankyɔsĩi.

3 Babisuɔtɔbi nle atesaa ya niekye ni Saate nwu nfũ,

babi nle letota niekye ni ɔkyɛ nɔɔ.

4 Fɛle kɔtaa di kpɛtɛ nnɛɛ yi,

nkpo di babisuɔtɔbi ba beelofo ni di sekosopo obe kamɛ nte nɛ.

5 Suoto siyɔɔ osuɔtɔ

wɔ kɔtaa kotofo nieyii ni ku kɔtaa pɔ.

Blɔbakpee ma sinunsɔ

nse bɛɛkyaka ku balo lɛma di lɛkpaka.